"Apple"ın 2024-cü il Ümumdünya Tərtibatçı Konfransı (WWDC) yeniliklərlə dolu keçdi! Budur, şirkətin illik developer konfransında elan edilən yenilikləri sizlərlə bölüşürük:
iOS 18 yenilikləri!
Artıq ekrandakı tətbiq və vidcetləri istənilən formada sıralaya, qaranlıq rejim və müxtəlif rənglərdən istifadə edərək tətbiqlərin stilini fərdiləşdirə bilərik. Yeni İdarəetmə Mərkəzi də fərdiləşdirmədə sərbəstliyə imkan verir.
Kilid ekranında olan fləş və kamera düymələrini də istənilən funksiya ilə əvəz edə biləcəyik.
“Apple” Siri və iOS 18-ə ChatGPT əlavə edir
“Apple” və “OpenAI” arasında çoxdan gözlənilən əməkdaşlıq baş tutdu. Şirkət WWDC 2024-də ChatGPT-nin Siri və əməliyyat sistemlərinə inteqrasiya olunacağını elan etdi. Texnologiya nəhəngi ChatGPT-nin bu ilin sonunda iOS 18, iPadOS 18 və MacOS Sequoia-da mövcud olacağını qeyd edib.
Artıq Fotolar tətbiqində skrinşotları gizlətmək və avtomatik olaraq yeni bölmələr yaratmaq üçün filtr olacaq. Bu bölmələrə səyahətlər və ən yaxşı fotoşəkilləriniz olan bölmə də daxildir.
Artıq telefonunuzdakı istənilən tətbiqə yalnız Face ID ilə giriş etmək mümkün olacaq!
“Apple Intelligence” elan edildi!
Artıq iPhone 15 Pro və 15 Pro Max, eləcə də M1, M2, M3 çipləri ilə təchiz edilmiş Mac-lərdə təhlükəsizliyə yönəlmiş generativ süni intellekt aktiv olacaq. “Apple Intelligence”in bu yay istifadəyə veriləcəyi gözlənilir və e-poçt yazmaq, fotoşəkilləri redaktə etmək və daha çox sahədə istifadəçilərə kömək edəcəyi vurğulanıb.
Süni intellektli emojilər - Genmoji
Bu yeni xüsusiyyət vasitəsilə internetə qoşulmadan birbaşa cihazdan emojilər yaratmaq mümkün olacaq. Hətta siz seçdiyiniz insanlara uyğun şəkillər də yarada biləcəksiniz.
Apple MacOS 15 Sequoia-nı elan etdi
"Apple" ən son MacOS versiyası olan Sequoia-nı elan edərək, istifadəçilərə iPhone-larını masaüstü kompüterlərində əks etdirməyə imkan verəcək yeni bir xüsusiyyəti vurğuladı. Bu o deməkdir ki, siz telefonunuzu tamamilə masaüstünüzdən idarə edə bilərsiniz.
iPadOS 18 bir çox yeni xüsusiyyətlər qazanır!
WWDC-də elan edilən iPadOS 18 "Apple Intelligence" sayəsində bir çox yeniləmə ilə gəlir. iPadOS 18 süni intellekt və “Apple Pencil” sayəsində “Notes” proqramına böyük yeniləmə gətirir. Üstəlik, iPad 14 ildən sonra uşaqlara ev tapşırıqlarını yerinə yetirməkdə kömək edə biləcək Kalkulyator Proqramı əldə edir.
Bundan əlavə, “Notes”da edəcəyiniz hər hansı bir cızma-qaranı süni intellekt vasitəsilə real fotoya çevirmək mümkün olacaq.
Siri-yə süni intellekt yeniləməsi gəlir
“Apple WWDC 2024”də səs köməkçisi Siri üçün böyük yeniləmələr elan etdi. Bunların çoxu “Apple Intelligence” tərəfindən təqdim olunur. Belə ki, yeniləmədən sonra Siri proqramlarda səsli əmrləri daha yaxşı icra edə biləcək.
Məsələn, siz Siri-yə telefonunuzdakı hər hansı bir şəkli təsvir etməklə onu ekranda göstərməsini istəyə biləcəksiniz.
Apple Watch-a yeni xüsusiyyətlər gəlir!
Apple WWDC-də WatchOS 11 üçün əsas yeniləmələri elan etdi. Bəlkə də bu yeniləmələrin ən vacibi ürək dərəcəsini, tənəffüsü, bədən istiliyini və yuxunu izləyəcək həyati əlamətlərə nəzarət vasitəsidir.
Apple WWDC zamanı iOS 18, iPadOS 18 və macOS Sequoia (macOS 15) üçün Parollar proqramını təqdim etdi. Bu proqramın məqsədi LastPass kimi xidmətləri əvəz etməkdir.
Safari üçün süni intellekt yeniləməsi
Apple WWDC 2024 sərgisində brauzeri üçün yeni funksiyalar təqdim etdi. Bunlara veb səhifələri və məqalələri ümumiləşdirən AI ilə işləyən xüsusiyyət olan Highlights daxildir. Bu o deməkdir ki, əgər siz televiziya şousu haqqında oxuyursunuzsa, Safari sizə süni intellekt vasitəsilə şou haqqında daha çox məlumat göstərə biləcək.
