iPhone 17 Pro və Pro Max modellərində istifadə olunacaq A19 Pro çipinə aid olduğu iddia edilən Geekbench nəticələri internetə sızdırılıb. Çinli Digital Chat Station mənbəsinin paylaşdığı nəticələrə görə yeni çip tək nüvədə 4000, çox nüvədə isə 10000-dən çox bal toplayıb. Bu, keçənilki A18 Pro ilə müqayisədə müvafiq olaraq 15 % və 17 % performans artımı deməkdir.
Hətta bəzi nəticələrdə Apple-ın M4 çipini keçdiyi iddia olunur və Snapdragon 8 Elite ilə başabaş performans göstərdiyi bildirilir. Ancaq bu məlumatların rəsmi şəkildə təsdiqlənmədiyini və hələlik iddia xarakteri daşıdığını da qeyd etmək lazımdır.
