Microsoft” “Minecraft” üçün “ChatGPT”yə bənzər süni intellekt hazırlayır. Bu layihə üçün o, “ChatGPT” yaradıcısı “OpenAI” ilə işləyir və “DALL-E”dən istifadə edir.
“Microsoft” istifadəçilərin “Minecraft”da istifadə edə biləcəyi yeni süni intellektin demosunu təqdim edib. Yayımlanan demoda oyunçu süni intellektə əmr verir və süni intellekt verilən əmri dərhal yerinə yetirir.
Müxtəlif əmrlərlə bir çox şeyi edə bildiyi görülən süni intellektin ən diqqət çəkən funksiyası verilən əmrlərə uyğun strukturlar qurmasıdır. Bu isə “Minecraft”ı “Minecraft” edən yaradıcılığı aradan qaldırır.
Bəs bu “köməkçi” süni intellekt necə işləyir?
Videoya əsasən, bu süni intellekt “OpenAI” tərəfindən hazırlanmış kodeks üzərində qurulub. Sistem istifadə etdiyimiz adi dili götürür və onu oyuna tətbiq olunan “Minecraft” kodlarına çevirir.
Beləliklə, əmr bölməsində "Mənim üçün Burj Xəlifə qur" yazdığınız zaman süni intellekt əvvəlcə “Burj Khalifa”nın nə olduğuna baxır, onu “Minecraft” dünyasına necə uyğunlaşdıracağını anlayır və onu kublarla qurmağa başlayır.
Əlbəttə ki, “Minecraft”ın ən böyük cazibəsi insanların uzun mübarizədən sonra yaradıcılıqlarını nümayiş etdirmələridir. Bununla belə, bu, süni intellektin köməyi ilə çox səy və vaxt itkisi olmadan özləri üçün dünya qurmaq istəyən insanlar üçün çox faydalı olacaq.
Daha çox
Texnologiya
kateqoriyasından
