"Sony" və "Backbone" şirkətləri ilə birgə hazırlanmış iPhone üçün "PlayStation" kontrolleri “Backbone One - PlayStation Edition”u təqdim edilib və tanıtım videosu yayımlanıb.
“Remote Play” tətbiqi Yaponiya əsaslı texnologiya nəhənginin elan etdiyi kontroller vasitəsilə “PlayStation” oyunlarını oynamaq üçün istifadə olunur. Bu proqramdan istifadə edərək oyun oynamaq üçün PlayStation 4 və ya PlayStation 5 oyun konsoluna sahib olmaq lazımdır. Yəni konsolunuz yoxdursa, bu kontroller ilə oyun oynaya bilməzsiniz.
“Remote Play” proqramından istifadə etmək üçün yüksək sürətli internet, həmçinin PS4 və ya PS5 konsolu tələb olunur. Bu iki tələb yerinə yetirilərsə, PS oyunlarını konsolsuz otaqda smartfon və ya kompüterdə oynamaq olar.
PS oyunlarına əlavə olaraq "Genshin Impact", "Fantasian" və "Call of Duty: Mobile" daxil olmaqla müxtəlif oyunları da dəstəklənir. "Backbone One" iPhone ilə təchiz olunduğu üçün enerjiyə ehtiyacı yoxdur.
Qiyməti 99,99 dollar olan kontroller ilkin olaraq ABŞ, Kanada, Meksika, Avstraliya, Yeni Zelandiya, Almaniya, Fransa, İtaliya, İspaniya, İsveç, Hollandiya və Böyük Britaniyada satışa çıxarılacaq. "Backbone One"ın zamanla daha çox ölkədə əlçatan olmağı gözlənilir.
Daha çox
Texnologiya
kateqoriyasından
