"Spotify" növbəti dəfə kütləvi ixtisarlar edəcəyini açıqlayıb. Baş direktor Daniel Ek-in açıqlamasına görə, ən azı 1500 işçi ilə yollarını ayıracaq. Şirkət bu qərarı qlobal iqtisadi qeyri-müəyyənliklər səbəbindən qəbul edib.
COVID-19 pandemiyası ilə başlayan qlobal iqtisadi böhran şirkətlərin xərclərini xeyli artırdı. Belə olan halda, 2023-cü il hətta ən böyük şirkətlərin ixtisar edildiyi bir dövr kimi qeydə alınıb. Ancaq ixtisar dövrünün sonu hələ də başa çatmadı.
Bu gün dünyanın ən böyük onlayn musiqi və podcast platforması olan "Spotify"dan yeni kütləvi ixtisar qərarı gəldi. Şirkətin baş direktoru Daniel Ek-in verdiyi açıqlamaya görə, işçilərin daha 17 %-i ixtisar olunacaq. "Spotify" son maliyyə hesabatında təxminən 9250 işçisi olduğunu açıqlamışdı.
"Spotify"ın baş direktoru Daniel Ek-in verdiyi açıqlamada işdən çıxarılma səbəbləri yer almayıb. Qlobal iqtisadi qeyri-müəyyənliyin davam etdiyini ifadə edən Spotify CEO-su xərcləri azaltmaq məcburiyyətində olduqlarını ifadə edib. Bununla belə, qeyd etmək lazımdır ki, "Spotify"dan qovulan işçilər 5 aylıq təzminatla yanaşı, şirkətin tibbi sığorta xidmətindən yararlanmağa davam edəcəklər.
