"Tesla" "Optimus" adlı insanabənzər robot layihəsində çalışmış keçmiş mühəndis Alexander Yatskov-u məxfi sənədləri oğurlamaq ittihamı ilə məhkəməyə verib. Şirkətə görə, Yatskov şirkətin süni intellekt və istilik yayımı texnologiyalarına dair vacib məlumatları şəxsi cihazına köçürərək icazəsiz şəkildə şirkətdən çıxarıb.
Bu sənədlərin "Tesla"nın rəqabət üstünlüyü baxımından kritik əhəmiyyət daşıdığı bildirilir. İddiaya əsasən, keçmiş mühəndis bu məlumatları ya başqa texnologiya şirkətinə vermək, ya da öz startapını qurmaq üçün istifadə edə bilərdi.
