Dünyanın ən populyar onlayn mesajlaşma platformalarından biri olan Discord ilə bağlı ciddi məlumat sızması iddiaları ortaya çıxıb. Bir haker Discord-dan 35 milyon istifadəçi məlumatı, 1,8 milyard mesaj və 207 milyon səsli görüş qeydini ələ keçirdiyini iddia edib. Həmin məlumatlar haker tərəfindən bir hacker platformasında satışa çıxarılıb.
İddialara görə, sızdırılan məlumat yalnız mesajlar və istifadəçi profilləri ilə məhdudlaşmır. Haker həmçinin 6.000 Discord serverinə aid məlumatların da əlində olduğunu bildirib. Bu, sızmanın təsir dairəsinin çox geniş olduğunu göstərir.
Discord tərəfindən hələlik bu məlumat sızması barədə rəsmi açıqlama verilməyib. Platforma istifadəçilərə ehtiyat tədbirləri görməyi, şifrələrini dəyişdirməyi və iki faktorlu doğrulama (2FA) funksiyasını aktivləşdirməyi tövsiyə edir.
Ekspertlər bildirir ki, bu tip kütləvi məlumat sızıntıları yalnız istifadəçi təhlükəsizliyinə deyil, həm də platformanın nüfuzuna ciddi təsir göstərə bilər. İstifadəçilər üçün ən vacib addım, şəxsi məlumatların qorunmasına diqqət yetirmək və şübhəli fəaliyyətləri dərhal platforma ilə paylaşmaqdır.
Bu sızıntı onlayn platformalarda məlumat təhlükəsizliyinin nə qədər önəmli olduğunu bir daha göstərir və Discord istifadəçilərinin məlumatlarını qorumaq üçün daha ehtiyatlı olmasının vacibliyini vurğulayır.
Daha çox
Daily
kateqoriyasından
