Qatlanan telefonlar geniş yayılsa da, Apple bu sahədə hələ də səssizliyini qoruyur. Ancaq qatlanan iPhone-un yaxın vaxtlarda təqdim olunacağı ilə bağlı söz-söhbətlər sürətlə yayılmağa başlayıb. Şirkətdən rəsmi təsdiq gəlməsə də, JPMorgan-ın son analizi bu ehtimalları gücləndirib. İddialara görə, qatlanan iPhone-un qiyməti rəqibləri ilə yarışacaq səviyyədə olacaq.
JPMorgan analitiki Samik Chatterjee tərəfindən sərmayədarlara göndərilən qeyddə bildirilir ki, Apple-ın kitab tipli dizayna sahib ilk qatlanan cihazı, Samsung Galaxy Z Fold seriyasına birbaşa rəqib olacaq.
Ən diqqətçəkən məqam isə qiymətlə bağlıdır. Daha əvvəl cihazın 2000 dollardan baha, hətta 2200 dollar civarında olacağı düşünülürdü. Lakin Chatterjee bu ehtimalı təkzib edərək, Apple-ın daha rəqabətli bir qiymətlə bazara çıxacağını bildirib. Analitikə görə, qatlanan iPhone-un satış qiyməti Samsung Galaxy Z Fold 7 ilə eyni, yəni 1999 dollar olacaq.
Daha çox
Daily
kateqoriyasından
