Son günlərdə Elektron Təhlükəsizlik Xidməti (ETX) Telegram platformasında yeni dələduzluq hallarının müşahidə olunduğunu xəbər verib. Vətəndaşlar, “Hi, şəkilləriniz…” tipli mesajlarla tanış olurlar. Mesajların davamında şübhəli keçidlər yerləşdirilir və istifadəçilər həmin keçidlərə daxil olduqda ölkə seçmək, telefon nömrəsini yazmaq və gələn təsdiqləmə kodunu daxil etmək tələb olunur. Bu üsulla istifadəçilərin hesabları ələ keçirilir və ələ keçirilmiş hesablar vasitəsilə başqa şəxslərə qarşı da eyni dələduzluq halları davam etdirilir.
ETX vətəndaşlara xəbərdarlıq edib ki, şübhəli linklərə daxil olmamalı, telefon nömrəsi və təsdiqləmə kodlarını heç kimlə paylaşmamalıdırlar. Hesabların təhlükəsizliyini təmin etmək üçün ikimərhələli təsdiqləmə funksiyasını aktivləşdirmək tövsiyə olunur. Bu tədbirlər hesabların qorunması və fırıldaqçılardan qorunmaq üçün vacibdir.
ETX həmçinin vətəndaşları sosial mühitləri diqqətlə izləməyə, tanımadıqları şəxslərdən gələn mesajlara etibar etməməyə çağırır. Bu xəbərdarlıq, Telegram istifadəçilərinin məlumat təhlükəsizliyini artırmaq və mümkün itkilərin qarşısını almaq məqsədi daşıyır.
Daha çox
Daily
kateqoriyasından
