Warner Bros. Discovery Paramount-un şirkəti almaq üçün verdiyi təklifə cavab olaraq bu əməliyyatı rədd etməyi planlaşdırır.
Şirkətin qərarında əsas səbəblərdən biri maliyyələşdirmə şərtləri və digər strateji faktorlarla bağlı narahatlıqlardır.
Paramount ötən həftə Warner Bros. Discovery-nin bütün aktivləri üçün 108 milyard dollar təklif etmişdi. Bu təklifə şirkətin streaming platformaları, film studiyaları, həmçinin CNN, TNT və TBS kimi kabel kanalları daxil idi. İndi isə bu prosesdə maliyyə dəstəyi göstərməli olan Jared Kushner-in Affinity Partners investisiya şirkəti isə strateji və maliyyə səbəblərdən təklifdən geri çəkilib. Bu addım, əməliyyatın risklərini artırıb və tərəflərin qarşılıqlı razılığa gəlməsini çətinləşdirib.
WBD rəhbərliyi hazırda mövcud Netflix razılaşmasını daha sərfəli hesab edir. Şirkət Paramount-un tender təklifinə cavabı yaxın günlərdə təqdim etməyi planlaşdırır. Bu qərar, WBD-nin əməliyyatlarını mövcud tərəfdaşlıqlar üzərində optimallaşdırmaq və daha sərfəli şərtlərlə fəaliyyətini davam etdirmək istəyindən irəli gəlir.
Warner Bros bu təklifi “hostile takeover” (qarşı tərəfin razılığı olmadan alınma cəhdi) adlandırıb. Ümumilikdə, bu cür əməliyyatlar böyük risklər daşıyır. Şirkətlər yalnız maliyyə deyil, strateji uyğunluq və uzunmüddətli planları nəzərə alaraq qərar qəbul edirlər. Warner Bros. Discovery-nin qərarı isə media və əyləncə sənayesində tərəflərin strateji mövqelərini qorumağa yönəlik addım kimi qiymətləndirilir.
