İnnovasiya və Rəqəmsal İnkişaf Agentliyi (İRİA) və “Xsolla” şirkətinin tərəfdaşlığı ilə yerli oyun studiyaları üçün keçirilən ilk beynəlxalq inkubasiya proqramı – Xsolla–IDDA Incubation Program başa çatıb.
Proqramda iştirak edən komandalar 7 avqust tarixində keçirilən “Demo Day” tədbirində oyun layihələrini münsiflər heyəti və investorlar qarşısında təqdim ediblər.
8 avqustda təşkil olunan yekun tədbirdə isə ümumi dəyəri 225 min manat olan müsabiqənin qalibləri açıqlanıb.
Bu təşəbbüs Azərbaycanın oyun sənayesində beynəlxalq miqyaslı ilk inkubasiya proqramı kimi qiymətləndirilir.
