Anthropic-in təhlükəli olduğu üçün gizli saxladığı Mythos AI hack olunub?

Anthropic-in ictimaiyyətə təqdim edilməyən Mythos modeli ilə bağlı icazəsiz giriş iddiaları ortaya çıxıb.

Bildirilir ki, model yüksək kibertəhlükə riskləri səbəbindən açıq istifadəyə verilməyib və yalnız seçilmiş şirkətlər tərəfindən test olunur. Bloomberg-in məlumatına görə, bir qrup istifadəçi üçüncü tərəf təchizatçı vasitəsilə modelə çıxış əldə edib. Şirkət isə öz sistemlərinin zədələnmədiyini və hadisənin yalnız həmin mühitlə məhdudlaşdığını açıqlayıb. Qeyd olunur ki, bu qrup Discord üzərindən fəaliyyət göstərir və buraxılmamış AI modellərinə çıxış əldə etməyə çalışır.

Anthropic Mythos modelini yüksək kibertəhlükə riski və güclü imkanları səbəbilə ictimaiyyətə açmamışdı. Əsas narahatlıq modelin hackerlərin əlinə keçməsi idi. Model əməliyyat sistemləri, brauzerlər və şəbəkələrdəki zəiflikləri analiz edib potensial hücum ssenarilərini simulyasiya edə bilirdi.