nternetin atası süni intellektlə bağlı xəbərdarlıq etdi.
Bob Xan ilə birlikdə yaratdığı “TCP/IP” üçün “Turinq Mükafatı”nı alan və "İnternetin atası" adlandırılan Vint Sörf insanlara süni intellektlə bağlı xəbərdarlıq edib.Vint Sörf iş adamlarını süni intellektlə bağlı qərar verərkən tələsməməyə və yalnız gündəmdə olduğu üçün onlara sərmayə qoymamağa çağırıb. "Hamı “ChatGPT” və ya “Google”un süni intellekti haqqında danışır, lakin biz bilirik ki, onlar həmişə istədiyimiz kimi işləmir" deyə o çıxışında bildirib.
“OpenAI”nin “ChatGPT” aləti, “Google”un “Bard” aləti və “Microsoft”un “Bing” inteqrasiya olunmuş süni intellekti çox açıq səhvlərə yol verə bilər. İnsanların bu səhvlərə inanmaları belə səmimi deyil, çünki bu modellər etdikləri səhvi və ya verdikləri səhv məlumatı gerçək hesab edirlər.
Bununla belə, Vint Sörf bu sistemlərdən istifadə ilə bağlı ictimaiyyətə də xəbərdarlıq edib və diqqətli olmaq lazım olduğunu bildirib. Sörf bəşəriyyətin hərisliyinin dəyişmədiyini və süni intellektin insanların xeyrinə inkişaf etdirilmədiyini bildirib. "Onlar sizin deyil, öz maraqlarına uyğun olanı etməyə çalışacaqlar. Ona görə də biz bunu yadda saxlamalıyıq və bu texnologiyalardan necə istifadə etdiyimizə diqqət etməliyik." Sörf, bu modellərin verəcəyi tibbi məsləhətlərin gözlənilməz nəticələrə səbəb ola biləcəyini də söylədi.
“Internet Explorer 11”in ləğv edilməsi üçün son yeniləmə
“Microsoft” “Internet Explorer 11” ilə vidalaşdı. Fevralın 14-də yayımlanan son yeniləmə ilə o, “Edge” üçün “IE 11-i” deaktiv etdi. Nəzərə alsaq ki, “Internet Explorer” ötən ildən aktiv şəkildə dəstəklənmir, bu yeniləmə təəccüblü deyil. “Microsoft” standart brauzer yeniləməsini “Windows” əvəzinə “Microsoft Edge”ə etməyi seçdi. Şirkət tərəfindən paylaşılan yeniləmənin məqsədi daha yaxşı istifadəçi təcrübəsi təmin etmək və hələ də “IE11” istifadə edən müştərilərin “Microsoft Edge”ə köçməsinə kömək etmək idi.
Qarşıdan gələn dəyişikliyə baxmayaraq, bəzi istifadəçilər bir neçə ay daha “Start” menyusunda və tapşırıqlar panelində “Internet Explorer” işarəsini görə bilər. “Microsoft”, 13 iyun 2023-cü ildə buraxılması planlaşdırılan aylıq “Windows” yeniləməsi ilə “Windows”dakı bu nişanların silinəcəyini açıqladı.
“Microsoft”, yeni brauzeri “Microsoft Edge” üçün nəzərdə tutulmuş daxili “Internet Explorer” rejimi vasitəsilə “Internet Explorer” əsaslı veb-saytları və proqramları dəstəkləməyə davam edəcək. Yalnız “Internet Explorer 11”də işləyən saytlara “Microsoft Edge” vasitəsilə "Internet Explorer-də saytın yenidən yüklənməsinə icazə ver" əmri ilə daxil olmaq mümkün olacaq. Beləliklə, “IE 11” tətbiqini açsanız belə, avtomatik olaraq “Microsoft Edge”i açacaqsınız.
“Binance” üçün pis xəbər: “BUSD” tərəfdaşlığı sonlandırıla bilər.
Son zamanlar kriptovalyuta bazarına təzyiqini artıran ABŞ Qiymətli Kağızlar Komissiyası bununla bağlı əvvəlcə “Kraken” birjasında araşdırmaya başlayıb, indi isə “Binance”ə müraciət edib. “Binance” və “Paxos” şirkətləri “BUSD” stabil kripto pul istehsal edirdilər.Bazarda cəmi 16,1 milyard dollarlıq BUS olduğu halda, bunun 14,4 milyardı Binance birjasının əlindədir.
Bununla belə, Komissiya “Paxos”a xəbərdarlıq göndərərək, “BUSD” pullarının qeydiyyatdan keçməmiş qiymətli kağız kimi qiymətləndirilməsi lazım olduğunu bildirib və istehsal tərəfinin təsdiqlənməsini istəyib.
“Paxos” belə bir qərarın yanlış olduğunu bildirsə də, bazarlarda panika başlayıb. Son 24 saat ərzində “Binanc” birjasından 788 milyon dollar xalis çıxış edilib. “BUSD” balansı da pozulub. “Binance” verdiyi açıqlamada aktivlərin heç bir çatışmazlığının olmadığını və onların təhlükəsiz olduğunu söylədi.
Yeni elektrikli velosiped brendi: “Porsche eBike Performance”
Dünyanın ən xüsusi avtomobil modellərinə imza atan “Porsche”, elektrikli avtomobillə yanaşı, elektrikli velosiped bazarında da diqqət çəkir. Türkiyə də daxil olmaqla bir çox bazarda “Taycan” seriyasında birdən çox tam elektrikli modellər təqdim edən nəhəng şirkət, digər nəqliyyat sahələrini də qaçırmır və bu sahələrdə ilk sırada elektrikli velosiped yer alır. Hal-hazırda elektrik velosipedlərinin satışı ilə məşğul olan şirkət, son “Fazua” alışı ilə gündəmə gəlib. “Fazua” elektrikli velosipedlər üçün xüsusi motor / akkumulyator sistemləri istehsal edən və bu sahədə böyük təcrübəyə malik bir addır. Ötən il nəhəng istehsalçı elektrik velosipedləri sahəsində fəaliyyət göstərmək üçün iki yeni şirkət də təsis edib. Bu şirkətlərdən biri “eBike Performance GmbH”, digəri isə “P2 eBike GmbH” adı ilə yaradılmışdır.
“TikTok”un pul qazanmağa yönəlik yeni planı
“TikTok” bəzi videolara yalnız ödəniş edildikdən sonra baxmağa imkan verəcək sistem hazırlayır. Yaradıcıların platformadan daha çox gəlir əldə etməsi üçün müzakirədə olan bu plan bir çox məşhur hesablar üçün xüsusilə faydalı olacaq. İnsanlar videoya giriş üçün 1 dollar və ya daha çox qiymət təyin edə bilərlər. Bu arada, “TikTok” kontent yaradıcılarının əldə etdiyi ümumi gəliri artırmaq üzərində də işləyir. Son zamanlar “YouTube” ilə müqayisədə istifadəçilərə çox yaxşı pul qazandırmadığı üçün tənqid edilən şirkət, bunu dəyişdirmək üçün də bəzi araşdırmalara başlayıb. Bu dəyişiklikləri nə vaxt həyata keçirəcəyi hələ bilinməyən şirkət son aylarda istifadəçi sayını artırsa da, o qədər də xoş xəbər almayıb.
“Amazon” şirkəti “Zoox” sürücüsüz taksisi ilə sınaqlara başlayır.
Sürücüyə ehtiyac duymadan 4 nəfəri asanlıqla daşımaq üçün hazırlanan nəqliyyat vasitəsi bir çox oxşarlardan fərqli olaraq 120 km/saat sürətə çata bilir ki, bu da onu zərurət olduqda magistral və şəhərlərarası yollarda istifadəyə uyğun edir.
Qabaqcıl kamera, radar və “LiDAR” sistemləri ilə təchiz edilmiş məhsul, onları xüsusi hazırlanmış süni intellekt ilə birləşdirərək asanlıqla təhlükəsiz hərəkət edə bilir. Müasir dizayna malik və sensor idarəetmə panellərini ehtiva edən “Zoox”un sürücüsüz taksisi bu gün yenidən gündəmdədir, çünki şirkət nəhayət ictimai yollarda real sınaqlara başlamışdır.
Daha çox
Yaradıcılıq
kateqoriyasından
